Tuesday, April 20, 2010

Odayaal Iyo Waxgarad La Ehel Ah Shaqsiyaad Ay Maamulka Somaliland Dil Ku Xukuntay Oo Diiday Go'aanka Maamulkaas


Ehelada taliyihii hore ee ciidamada Sirdoonka ee Maamulka Somaliland ee gobalka Sool, oo ay dhawaan dil ku riday Maxkamada uu leeyahay Maamulka Somaliland, ayaa waxa ay ku sheegeen xukunkaas mid uusan waxba kajirin oo aysan haba yaraatee raali ka noqon doonin.


Odayaasha beesha uu kasoo jeedo ninka la xukumay ayaa sheegay in uusan cadalaad aheyn qaraarka Maxkamadu, islamarkaasna ay tahay mid dhinac ah, iyagoo sheegay in aan la helin wax markhaati ah oo ku fura dambiga loo heystay ninkaas,iyagoo sheegay in laga muujiyey maxkamada waxyaabo been ah oo ay sheegeen in uusan qarin dambiga loo heystay.

Odayaashan ayaa sheegay in ay talaabo ka qaadan doonaan Xukunka Maxkamadaas, waxa ayna sheegeen in ay ka soo tageen oo aysan ku laaban doonin fadhi dambe oo maxkamadaas ah, waxa ayna sheegeen in aysan noqon doonin oo ay talaabo ka qaadi doonaan.

Xubnahan ayaa sheegay in ninka dambiga loo heysto uu ahaa Sarkaal ka tirsan maamulka,isla markaasna aysan dhici karin uu ka dambeeyey qarax lugu dilay taliye ciidan, waxa ayna sheegeen in ay tahay arrin Siyaasad adag ka dambeyso.

Odayaasha iyo Aqoonyahanka ayaa ugu baaqay in Maamulka Somaliland la baxay uu ka fiirsado talaabooyinka noocaas ah,waxa ayna sheegeen in ay kala xisaabtami doonaan xukumada qaldan ee dadkaas lugu soo rogay.

Dalkayaga@gmail.com

0 comments:

Post a Comment

Fadlan Aragtidaada Halkan ku Qor

Dalkayaga News