Contact Form

Name

Email *

Message *

Saturday, April 24, 2010

Maleeshiyada Xisbul Islaam oo gabar 18 jir ah ka afduubtay xaflad aroos.

Maleeeshiyada Xisbul islaam ee hoggaamiyaha wadaadka inta badan noloshiisa ku qaatay Ak47 Sh Xasan Dahir Aweys ayaa gabar 18 jir ah ka afduubtay xaflad aroos ah oo ka dhaceysay degmada Afgooye ee Gobolka Shabeellada hoose.

Sida ay sheegayan wararka shalay gelinkii dambe ayaa maleeshiyo ka tirsan kooxda Xisbul Islaam oo ku hubeeysnaa qoryaha fudfudud waxa ay soo weerareen xaflad aroos ah oo ka dhaceeysay xaafadda 21-ka Oktoobar ee degmada Afgooye,waxeeyna halkaasi ka kaxeeysteen gabar 18 jir ah oo ka mid ahayd dadkii xafladaasi ka qeybgalayay.
Gabadhaasi ayaa ka tagtay Magalaada Muqdisho waxayna Afgooye u tagtay ka qeybgalka xafladda Arooska,waxaana maleeshiyadaasi oo afafka u duubnaayeen ay rasaas ku fureen goobtii xafladu ka dhaceysay.
Maleeshiyadaasi ayaa la sheegay in ay jirdil xoog leh u geeysteen haweeneey uur leh oo isku dayday in ay gabadha ka badbaadiso Maleeshiyaadka,waxana buuq iyo jahawareer uu hareeyay goobtii xaflada, kadib markii Maleeshiyaadku ay rasaas ku fureen.
Maleeshiyadan ayaa la sheegay in ay gabadha ku eedeeyeen in ay la shaqeeyso dowlada KMG ah. lamana oga ilaa iyo haatan halka ay u kaxeeysteen gabadhaasi, waxaana xiligaan welwel iyo cabsi xoog leh ay soo wajahday gabdhaha ku dhaqan degmada Afgooye,kuwaas oo ka cabsi qaba in ay iska kaxeeystaan maleeshiyaadka afka soo duubtay.

Dalkayaga@gmail.com

0 comments:

Post a Comment

Fadlan Aragtidaada Halkan ku Qor

Dalkayaga News